Home – MVO – Stream – De online community voor taal en onderwijs in Fryslân

MVO

Publieke groep actief 6 jaar, 11 maanden geleden

Meartalich fuortsetûnderwiis – pilot MFÛ/MVO

Frysk en Ingelsk as fiertaal by oare fakken. Wat yn it primêr ûnderwiis kin op de 3TS, soe yn it fuortset ûnderwiis, noch makliker te realisearjen wêze, sa wie de gedachte. Dus waard yn skoaljier 2010/2011 úteinset mei in pilot. Earst inkeld op it Liudger yn Burgum en in jier letter op twa lokaasjes fan Bogerman (Koudum en Wommels).
Keazen waard foar it fak skiednis yn it Frysk en foar de earste trije havojierren waard dêr materiaal foar ûntwikkele. Lessen by de Fryske skiedniskanon en de metoade Memo waard oerset yn it Frysk.
Ingelsk as fiertaal hong foaral ôf fan de beskikbere learkrêft. Wa soe syn taal ‘Hollânsk’ falle litte wolle en jou tenei syn/har fak yn it Ingelsk?
De pilot wie lyts (3 skoallen) en duorre mar koart (4 jier). Ik haw der wakker op oanstien by it provinsjaal bestjoer om de pilot mei 2 jier te ferlingen. Dat is slagge, mar inkeld ûnder de betingst der mear skoallen by te beheljen.
It netwurk MVO bestiet no – maaie 2015 – út 5 skoallokaasjes en de pilot rint dit jier ôf.

De pilot MFÛ/MVO hat positive risseltaten oplevere by de belutsen skoallen. It evaluaasjerapport dat it provinsjaal bestjoer skriuwe litten hat troch EPNuffic wiist dat út. De learlingen dy’t it trajekt folge hawwe, fiele har kompetinter yn de doeltalen en de learkrêften hawwe yn ‘e rekken dat har skoalle wat ekstra’s biedt. Dat is de grutte winst.
Ut it rapport: ‘Het MVO is nog een kasplantje. Maar het heeft wel groeimogelijkheden. Daarvoor moet het de tijd krijgen en voldoende gevoed worden.’

It is moai om dêrmei oan ‘e slach te gean de kommende jierren. It freget no om heldere oarganisaasjestruktuer, mei stjoerende krêft. En de kearn fan dy struktuer foarmje de skoallen.

De fiif skoallen fan it netwurk binne:
Liudger, Burgum
Bogerman Koudum
Bogerman Wommels
De Saad, Damwâld
Liudger, Waskemar

MVO

Groepsbeheerders